Сергей Меняйло фембæлд æрмхæсты хуызты уæрæсеаг цæдисы разамындимæ

Фидæны спортсменты бацæттæ кæнын æмæ рæзгæ фæлтæры спорты архайынмæ сразæнгард кæнын. Уый тыххæй Цæгат Ирыстоны бакусдзысты сæрмагонд системæйыл. Æппæт фарстатыл Сергей Меняйло лæмбынæг æрныхас кодта æрмхæсты хуызты уæрæсеаг цæдисы разамындимæ. Æмбырды архайджытæ ма фæнысан кодтой Цæгат Ирыстоны егъау спортивон объекты арæзтадыл. Ам цæудзысты егъау æмæ цымыдисаг спортивон ерыстæ. Регионы сæргълæууæг куыд фæнысан кодта, афтæмæй республикæйы разамынд фæнд кæны спорты бирæвæрсыг галуан саразын. Уыдзæн дзы хоккейæн ихын фæз, бассейн, залтæ олимпаг спорты хуызтæй архайынæн. Сергей Меняйлойы ныхæстæм гæсгæ, проект къухы бафтдзæн лæвар. Æрмхæсты хуызты уæрæсеаг цæдисы разамонæг Рамиль Габбасов фæнысан кодта, Цæгат Ирыстон рауагъта бирæ спорты стъалытæ. Фембæлды кæронбæттæн Сергей Меняйло æмæ Рамиль Габбасов бафыстой æсгуыстады бадзырд. _________________________ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv