Экстремизм æмæ терроризмы тыххæй социалон æрфарст сарæзтой фæсивæдæн

Кæрæдзийæн хатыр кæй нæ кæнынц, уый у сӕйраг аххосаг адæмы 'хсæн быцæуты. Афтæ хъуыды кæны фæсивæдӕн йӕ 50%-ы. Сарæзтой сын сæрмагонд æрфарст экстремизм æмæ терроризмимæ баст темæйыл. Йæ аразджытӕ – Уæрæсейы хицауады цур Финансон университеты Дзæуджыхъæуккаг филиалы студенттæ æмæ горæты Рахизфарсы районы префектурæйы кусджытæ. Фæрстытæн дзуапп лæвæрдтой 100 æрыгон адæймаджы. Уыдонæй 25% ахӕм быцæуты аххос у кӕнынц, йе 'нæниздзинад хъыгдæрд кæмæн у, уыдон знæт зондахаст. 19% та хъуыды кæнынц, бирæ адæм ахæм уавæрты сæхи куыд дарын хъæуы, уый кæй нæ зонынц. Фæсивæды 5%-ы рахæцыдысты адæм кæрæдзийы кæй не 'мбарынц æмæ кæрæдзийы кæй нæ нымайынц, уыцы аххосаджы фарс. Радтой ма сын æндæр фарст дæр: экстремизм æмæ терроризмы фæзынды аххосаг цы у, уый зæгъгæ. Фылдæр дзуапп радтой, адæм сæ бартæ æмæ закъонтæ кæй нæ зонынц, уый тыххæй. Бирæтæ æнхъæл сты, æмæ адæм барæй дæр фæкæнынц ахæм фыдмитæ. Социалон æрфарсты аразджытæ куыд зæгъынц, афтæмæй терроризмы ныхмæ æмæ уымæй хъахъхъæныны мадзæлттæ ныртæккæ ахсджиаг кæй сты, уæлдайдæр рæзгæ фæлтæры 'хсæн. _________________________ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv