Уæрæсейы абон бæрæг кæнынц Зонады бон

Уæрæсейы абон бæрæг кæнынц Зонады бон. Нæ бæстæйы наукæйы райрæзтмæ стыр æвæрæн чи бахаста, уыдоны ’хсæн зындгонд филолог Абайты Васо, авиаконструктор Бериты Георгий, Уæрæсейы академийы медицинон наукæты академик Берозты Темырболат. Нæ бæстæйы фидæнмæ стыр æвæрæн хæссынц студенттæ дæр. Цæгат Ирыстоны паддзахадон университеты наукæйы къабазы  снысан кодтой  ног преми «Бесконечность», зæгъгæ. Йæ сæйраг нысан - наукæйы къабазы чи архайы, уыдонæн ног уавæртæ аразын æмæ сæ разæнгард кæнын ног æнтыстдзинæдтæм. Фæстаг 2 азмæ Хетæгкаты Къостайы номыл университеты ахуыргæндты къухы бафтыд бирæ ног æнтыстытæ. Уымæн æвдисæн сты,  Уæрæсейы наукон фонды цы гранттæ рамбылдтой, уыдон. Уымæй уæлдай ма университет рамбылдта мегагрантты конкурсы. Æнтыстдзинæдты ’хсæн ма Цæгат Кавказы хæххон-металлургон институты ахуыргæндты хæдзар дæр. _________________________ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv