Дзæуджыхъæуы цæуы æппæтуæрæсеон конкурс «Мастер года»

Дзæуджыхъæуы цæуы «Мастер года», зæгъгæ, æппæтуæрæсеон конкурс. Архайынц дзы теоретикон æмæ практикон зонындзинæдтæ дæттæг ахуыргæнджытæ. Æдæппæтæй 16 архайæджы. Алы конкурсант дæр ахуыргæнæгæй кусы æппынкъаддæр æртæ азы. Се `ппæтмæ дæр ис фæлтæрддзинад, уымæй уæлдай ма æндæр æнтыстдзинæдтæ. Зæгъæм, skills-паспорт кæй хонынц, уый. Сæ рауагъдонтæ регионалон, национ æмæ æппæтадæмон чемпионаттæ «World skills» æмæ «Абилимпикс»-ы сæхи хорз кæй равдыстой, уый æвдисæндартæ. Конкурсы руаджы рабæрæг вæййынц курдиатджындæр зондамонджытæ. Йæ фæрцы ахуыргæнæджы кад уæлдæр кæны. Йæ хатдзæгтæм гæсгæ уæлахиздзаутæ райсдзысты кады гæххæтnытæ, зынаргъ лæвæрттæ æмæ афæдзы хуыздæр дæсныйы ном. _________________________ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv