«Красавица башни большого утёса», зæгъгæ, спектаклы премьерæ ацыд сывæллæтты театр «Саби» йы

Брытъиаты Созырыхъойы пьесæмæ гæсгæ æвæрд спектаклы премьерæ ацыд сывæллæтты театр «Саби»-йы. Æрыгон театрдзаутæн равдыстой аргъау адæймаджы гæнæнты тыххæй. Йæ размæ хæстæ цы адæймаг сæвæра, уый къухы, æнæмæнг, стыр æнтыстдзинæдтæ бафтдзæнис. Ахæм хъуыды сывæллæттæн æмбарын кæнынц спектаклы хъайтартæ. Сæвæрдта йæ режиссер Багъæраты Иринæ. Йæ ныхæстæм гæсгæ, сæйраг хъайтарты уарзондзинады истори сæ зæрдæмæ фæцæудзæн сабитæн дæр æмæ сæ ныййарджытæн дæр. Уæ зæрдыл уын æрлæууын кæндзыстæм, ныртæккæ театр «Саби» бындуронæй цалцæг кæнынц, фæлæ спектаклтыл уæддæр кусынц. Чысыл театруарзджытæ спектакльтæм кæсынц культурæйы галуан «Металлург»-ы. _________________________ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv