Дзæуджыхъæуы уыд Оперативон штабы æмбырд

Хæдзарон уавæрты йæхи чи дзæбæх кæны уыдонмæ хъæуы лæмбынæгдæр кæсын. Уый тыххæй республикæйы сæргълæууæг фæнысан кодта Оперативон штабы æмбырды. Стационарæй кæй рафыссынц уыцы пациенттæм хъæуы телефонæй дзурын æмæ се `нæниздзинад бæрæг кæнын, кæд бахъæуа уæд сын хъæугæ хостæ балхæнын бафиппайдта Битарты Вячеслав. Уавæрмæ æппынæдзух кæсынц поликлиникæты æмæ рынчындæтты сæйраг дохтыртæ. Дзæбæхгæнæн-профилактикон кусæндæттæ хъæугæ кусæнгарзæй сифтонг кæныныл Оперативон штабы уæнгтæ æрдзырдтой хицæнæй. Цæгат Ирыстоны паддзахадон медицинон академийы клиникон рынчындонæн пандемийæйы рæстæг йæ бон у 100 рынчыны дзæбæх кæнын. Хъæуы дзы зæронд компьютерон томограф ногыл баивын. Республикон Клиникон Рынчындоны сæйраг дохтыр Митциты Астаны ныхæстæм гæсгæ рынчындон ныридæгæн райста аппарат Боброва кæй хонынц, ахæмтæ 200. _________________________ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv