Металлургты культурæйы галуаны равдыстой спектакль «Нартæ. Рагон аивады ног рæстæг»

«Нартæ. Рагон аивады ног рæстæг». Цымыдисаг спектакль - Металлургты культурæйы галуаны сценæйыл. Залы иу уæгъд бынат дæр нæй. Скъуыддзæгты архайджытæ - адæмон кафты ансамбль «Асмон»-ы 70 артисты. Сюжет у Нарты кадджыты сæйраг хъайтарты таурæгъты бындурыл арæзт: Сослан, Ацæмæз, Батрадз, Сырдон. Аивадон разамонæг Годжыцаты Изольдæйæн у фыццаг спектакль. Фæлæ йæхæдæг куыд зæгъы, афæтæмæй фæстаг нæ. Равдыст бацæттæ кæнын бантыст иугонд «Уæрæсейы фольклорон цæдис»-ы æххуысæй. Дзерассæ, Æхсар æмæ Æхсæртæгимæ баст скъуыддзæгтæ, Сослан æмæ Ацырухс, Агуындæ æмæ Ацæмæз, Сырдон, Сатана. Æндæр республикæты минæвæрттæ, дефиле. Тынг цымыдисаг æмæ ирд рауадысты сценæтæ. Фæндыд мæ Нартиадæйы афæдзы кæронбæттæн ацы мадзæл саразын".