Черменыхъæуы культурæйы хæдзары цалцæггæнæн куыстытæ кæронмæ æрхæццæ сты

Черменыхъæуы бындуронæй цалцæггонд æрцыд культурæйы хæдзар. Сарæзтой йӕ 1960-æм азты. 1994 азæй фӕстӕмӕ цалцæггонд нæ уыд. Ацы аз апрелы куыстытæ сæ тæмæны бацыдысты. Национ проект «Культурæ»-йы фæлгæты бæстыхай бындуронæй сцалцæг кодтой. Сног кодтой рухс æмæ хъармдæттæн систæмæтæ, ногæй раивдтой пъол, рудзгуытæ. Черменыхъæуы культурæйы хæдзар бабæрæг кодта не сфæлдыстадон къорд. Черменыхъæуы культурæйы хæдзарæй ногæй райхъуыст музыкæйы зæлтæ. Бæстыхай бындурон цалцæджы фæстæ йæ дуæрттæ байгом кодта сабитæн. Зарæггæнджыты къорд, адæмон инструментты ансамбль, театралон, нывгӕнӕн ӕмӕ хореографион къордтӕ. Хъæуы сабитæн культурæйы хæдзар сæ уарзондæр бынат у, æрвылбон ардæм тырнынц. Дзукъаты Сабинæ кафын ахуыр кæны, 6 азы йыл куы цыди, уæдæй нырмæ. 12-аздзыд чызг зæрдиагæй фенхъæлмæ кæсы ахуыртæм. Хореограф Багаты Алексей алы кары сывæллæттимæ кусы къуыри 3 хатты. Культурæйы артдзæсты ис нывгæнджыты къорд дæр. Къуыри 2 хатты дзы архайы 15 сывæллоны. Цалцæггæнæн куыстытӕн сӕ фӕуынмӕ ахуыргæнæг æмæ сабитæ зæрдиагæй æнхъæлмæ кастысты. Дыууæуæладзыгон культурæйы хæдзар сарæзтой 1960-æм азты. 1994 азæй цалцæггонд нæ уыди. Йæ цар æмæ къулæ уыдысты калд, пъолтæ ӕмбыд, рудзгуытæ саст. Культурæйы хæдзары разамонæг Гайты Светланæйæн йæ зæрдæ рагæй рысти бæстыхайы уавæрыл. Ныр цалцæггæнæн куыстыты хæрзхъæддзинадæй разыйæ баззад. Ивд æрцыдысты бæстыхайы сæр, рухс æмæ хъармдæттæн систæмæтæ. Ныр сывæллæтты ахуыртæ цæудзысты репетицион залы. Концерттæ та цӕудзысты ног 450 бынатимӕ залы. Хъæуы ма дзы бандæттæ сæвæрын. Черменыхъæуы администрацийы куыд фæбæрæг кодтой, афтæмæй хъуамæ æлхæд æрцæуой ног азмӕ. _________________________ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv