Оперативон штабы æмбырды æрныхас кодтой коронавирусы уавæрыл

Цæгат Ирыстоны 13 медицинон куыстуаты слестгæнæн комитет сараздзæн медицинон туаггуыры хæрзхъæддзинады экспертизæ. Процедурæ райдайдзæн 30-æм августы. Уый тыххæй ныхас кодтой оперативон штабы радон æмбырды. Сергей Меняйло куыд фæнысан кодта, афтæмæй уыцы хъуыддаг хъуамæ рынчындæтты куыст ма фæкъуылымпы кæна. Уымæй уæлдай хостæй дæр пациенттæ цух хъуамæ ма баййафой. Республикæйы сæргълæууæджы хæстæ рæстæгмæ æххæстгæнæджы ныхæстæм гæсгæ, тагъд æххуысы клиникон рынчындон рæстæгмæ ковид-рынчынты нæ исдзæн. Хъæуы дзы сног кæнын туаггуыры системæ. Иннæ медицинон уагдæттæ туаггуырæй æххæст сты. Оперативон штабы куыд фæнысан кодтой, афтæмæй хæцгæ низæй рынчынты нымæц фæкъаддæр 1,2%. Низæй мæлæг адæмы нымæц у 5,5 проценты. Ныртæккæ республикæйы стационарты ис 1 298 бынаты. Уыдонæй 28% сты уæгъд. Регионы разамонæг ма æрдзырдта, тагъд æххуысы машинæмæ Æрæфы районы цæрджыты сахатгай æнхъæлмæ кæсын кæй бахъæуы, ууыл дæр. Медицинон кусджыты сæ хæдтулгæты артаг ныккæнынæн бахъæуы 65 киллометры дарддæр ацæуын. Зæгъæм, Лескенæй Мичурины онг. Сергей Меняйло бабар кодта æвæстиатæй бацархайын фарста аиуварс кæныныл. _________________________ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv