Оперативон штабы æмбырды дзырдтой коронавирусы уавæры тыххæй

Цæгат Ирыстоны коронавирусы инфекцийæ рынчынты нымæц къаддæр кæны. 10 бонмæ сæ нымæц 37% фæкъаддæр. Уый тыххæй дзырдтой Оперативон штабы æмбырды. Ныхас кодтой, коронавирус 4-æм хатт йæ тыхы куы бацæуа, уæд йемæ тох кæныны мадзæлттыл. Специалистты ныхæстæм гæсгæ, тæссаг низ ногæй йæ тыхы бацæудзæн октябры. Ахсджиаг у, цæмæй уыцы рæстæгмæ фылдæр адæм привикæтæ скæной. Абоны бонмæ вакцинацийы бæрæггæнæнтæ сты хуыздæрцух. Инъекцийы компоненттæ республикæйы фаг кæны. Хосы 50 мин комплектæй пайдагонд цæуы æрмæст 7%. 60 азæй фылдæр кæуыл цæуы, уыцы ацæргæ адæмæй прививкæ скодтой 10 мин цæрæджы. Рынчындæтты ковид-пациенттæн ис 1 035 бынаты. Æппæт хъæугæ хостæй дæр медицинон уагдæттæ ифтонггонд сты. _________________________ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv