Сергей Меняйлойы фæндмæ гæсгæ ивд æрцыд скъолаты сывæллæттæн хъарм хæринаджы аргъ

Сергей Меняйлойы фæндмæ гæсгæ ивд æрцыд скъолаты сывæллæттæн хъарм хæринаджы аргъ. Депутаттæ республикæйы бюджетмæ бахастой ивддзинæдтæ. Ныр иу сихоры аргъ уыдзæн 72 сомы. Уый руаджы райдиан кълæсты æмæ æххуысцух бинонтæй сывæллæттæн сæ сихоры аргъ уыдзæн иухуызон. Уымæн рауæлдай кодтой 36 милуан сомæй фылдæр. Хæринаг исдзысты 5-11 кълæсты ахуырдзаутæ дæр, уыдоны нымæц та у 10 мин адæймагмæ `ввахс. Уæ зæрдыл уын æрлæууын кæндзыстæм райдиан кълæсты ахуырдзаутæн лæвар хъарм сихоры хӕрд кӕнынц бон иу-хатт. Скъоладзаутæн куыд æмæ цы хæрын кæнынц, уый æппынæдзух бæрæг кæны ахуырад æмæ наукæйы министрад. Хæринæгты номхыгъд – æппæт домæнтæм гæсгæ. Фынгтыл хъуамæ уой æхсыры продукттæ, дзидза, кæсаг, дыргътæ, халсартæ æмæ кастæ. Ивдзысты йæ алы 10 боны фæстæ. _________________________ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv