Медицинон кусджытæн сæ профессионалон боны фæдыл арфæ ракодтой бархионты регионалон штабы минæвæрттæ

Цæгат Ирыстоны медицинон кусджытæн сæ профессионалон боны фæдыл арфæ ракодтой бархионты регионалон штабы минæвæрттæ. Мадзал ацыд акци #МыВместе-йы фæлгæты. Æппæтуæрæсеон адæмон фронты активисттæ, «Волонтёры-медики», фæсивæды хъуыддæгты фæдыл республикон комитетимæ Республикон клиникон рынчындоны кусджытæн сарæзтой бæрæгбоны фæдыл концерт. Ахæм хуызы низы ныхмæ æвæллад куыст чи кодта, уыдон сын сæ зæрдæты ахаст равдыстой музыкалон саламæй. Уымæй уæлдай ма сын балæвар кодтой дидинджытæ æмæ зæрдылдарæн лæвæрттæ. Акцийы архайджыты ныхæстæм гæсгæ, ныридæгæн медицинон кусджытæм уæлдай тынгдæр хъæуы раздахын не ргом. Фæстаг 3 мæймæ бархионтæ иу æмæ дыууæ хатты нæ баххуыс кодтой медицинон кусджытæн. _________________________ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv