Мамысоны курорты сараздзысты, къахдзоныгътæй кæм уыдзæн бырæн, ахæм хæххон хъæу

Мамысоны курорты сараздзысты, къахдзоныгътæй кæм уыдзæн бырæн, ахæм хæххон хъæу. Ис ын ном дæр - «Калак», зæгъгæ. Уый тыххæй фехъусын кодта Цæгат Ирыстоны инвестицион райрæзты корпорацийы директор Гугкаты Таймураз. Йæ ныхæстæм гæсгæ, курорт «Мамысон»-ы рæзты программæ арæзт у 4 къæпхæнæй. Фыццаджы уал аразынц дыууæ рæтæн фæндаджы, аст къахдзоныгъон трассæйы æмæ снысан кодтой хæххон хъæу Калакы арæзтад. Йæ иумæйаг фæзуат 5 400 гектары. Стæй ма сараздзысты уæлæмхасæн трассæтæ, бæлцæттæн рæтæн фæндæгтæ. Пъланмæ гæсгæ Мамысоны хъуамæ фæзына 700 куысты бынаты. Гæнæн ис æмæ ноджы фылдæр. Гугкаты Алыксандр куыд радзырдта, афтæмæй ныртæккæ бæрæг сты сæйраг инвестортæ. Сæ куысты фæткæвæрдæн аргъ кæны Уæрæсейы экономикон рæзты министрад. Архайынц зæххытæ æмæ объектты инвентаризацийыл, стæй культурон хæзнатæ уыцы бынæтты бахъахъхъæныныл. Кусынц автомобилон тъунелы рацарæзты фарстатыл. _________________________ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv