Дзæуджыхъæуы уыд Парламенты советы радон æмбырд

Дзæуджыхъæуы уыд Парламенты советы радон æмбырд. Депутаттæ æркастысты 20 закъоныпроектæй фылдæрмæ. Бирӕтӕ дзы сты федералон хъæппæристæ. Цалдæр закъоныпроекты сты нæ бæстæйы Хъалонты кодексы ногдзинæдтимӕ баст. Сæрмагондæй хъалонты социалон хуызы здӕхгӕ фиддонтӕ фæнд кæнынц 3 хатты фæфылдæр кæнын. Ныртæккæ, социалон хуызы хъалонты фиддонтӕ раздахӕн цы ис, уыдоны бӕрц у ӕрвылазон хӕрдзты 120 мин сомы æмæ ивд нæ уыд 10 азæй фылдæр. Хицæн адæмы исбоны хъалон бафидыны æмгъуыд декабрæй сентябрмæ аргъæвыны закъоныпроектимæ депутаттæ не сразы сты. Ныхас ма цыд иу федералон закъоныпроектыл. Цæрæнуæттæм цæстдарæн органтæн фадат уыдзæн разамындæттæг компанитæ лицензийæ суæгъд кæнынæн, курдиат тæрхондонмæ бадæттын. Уыдон сæ хæстæ бæстон куы нæ æххæст кæной, уæд. _________________________ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv