Дзæуджыхъæуы сцалцæг кодтой Бородинскийы номыл уынджы бирæуæладзыгон хæдзары кæрт

«Городская среда» партион проекты фæлгæты Дзæуджыхъæуы, Бородинскийы номыл уынджы саив кодтой бирæуæладзыгон хæдзары кæрт. Фæзуаты байтыдтой ног асфальт, сæвæрдтой дзы бандæттæ, бырондæттæ æмæ сног кодтой канализаци. Хæдзары цæрджытæ куыстытæй разыйæ баззадысты. Ис ма дзы чысыл фиппайнæгтæ, фæлæ уыдон дæр аиуварс кæнынæй, нфыс ис. Бæлвырддæр нæ дарддæры æрмæджы. Дыууæ къуырийы размæ ацы бынаты нæ уыд нæдæр ног фæндаг ӕмӕ рухсытæ, нæдæр бадæн бынæттæ. Бородинскийы номыл уынджы цы хæдзар ис, уый цæрджытæ сæ кæртмæ сæхæдæг зылдысты, фæлæ ахæм рацарæзтмæ рагæй æнхъæлмæ кастысты. Æлборты Арсалан у бирæфатерон хæдзæртты чысыл цæрджытæй иу. Иннæ сабитимæ фæхъазы ацы кæрты, чи сæ роликтыл цӕуы, чи велосипедыл рауай-бауай фæкæны, чи та футболæй фæхъазы. Лæппу зæгъы, зӕгъгӕ, цалцæггон кæрты сæхи хуыздæр ирхæфсын райдыдтой. Бородинскийы номыл уынджы бирæуæладзыгон хæдзарыл 50 азæй фылдæр цæуы. Уæдæй нырмæ йæ иунæг хатт дæр нæ цалцæг кодтой. Уæдæ йæ кæрт дæр афтæ. Парти «Иугонд Уæрæсе»-йы проекты руаджы «Городская среда», зæгъгæ, хъуыддаг къухы бафтыд. Ам æрмæст ног асфальт не 'скодтой, раивтой ма канализацийы хæтæлтæ дæр. Ахæм ногдзинæдтӕй бынæттон цæрджытæ разыцӕ баззадысты. Фæлæ ма цæуыл бакусын хъæуы, уый ис. Зæгъæм, кæртмӕ бахизæн. Уый та 40 азæй фылдæр нæ цалцæг кодтой. Къулысæрстытӕ арæх хæдтулгæтыл ӕрхауынц. Цæрджытæ зӕрдӕ дарынц, ацы фарста дæр сын кæй аиуварс кæндзысты, уый. Æмткæй райсгæйæ, ацы аз Цæгат Ирыстоны базылдысты нырмӕ 127 кæрты æмæ 38 æхсæнадон бынатмæ. Уыдонæй Дзæуджыхъæуы ис 110 кæрты æмæ 16 æхсæнадон зонæйы. Горæты фæлыст хъуамæ уа æдас æмæ æнцонвадат. Цæрджытæн æмбæлгæ уавæртæ аразын у партийы сæйрагдӕр хæстæй иу. Проектыл фæнд кæнынц дарддæр дæр кусын. _________________________ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv