«Лучшая муниципальная практика» æппæтуæрæсеон конкурсæн хатдзæгтæ скодтой

Цæгат Ирыстоны хатдзæгтæ скодтой «Лучшая муниципальная практика», зæгъгæ, æппæтуæрæсеон конкурсæн. Равзæрстой хуыздæр бынæттон хиуынаффæйады уæнгты. Æркасты архайынмæ сæ курдиаттæ балæвæрдтой Цæгат Ирыстоны горæттæ æмæ хъæутæ. Æдæппæтæй 28 курдиаты. Сæрмагонд къамис æркаст 19-мæ. Къамисы радон æмбырд сæрдариуæг кодта республикæйы хицауады сæрдары хæдивæг Фадзайты Æхсарбег. 4 номинацимæ гæсгæ рамбылдта Мæздæг, Дзæуджыхъæу дыууæ номинацийы. Раззагдæрты хсæн уыдысты Алагир æмæ Æрыдон дæр. Хъæуты хыгъдмæ бахаудысты Виноградное, Елхот. Брут, Комсомольское, Ставд-Дуртæ, Ираны хъæу, Уынал æмæ Черменыхъæу. Регионалон къæпхæны уæлахиздзаутæ дарддæр архайдзысты æппæтуæрæсейон æркасты. _________________________ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv