Курорт «Мамысон» ы дарддæры рæзтыл кусæг къорды æмбырд

Федералон нысаниуæг кæмæн ис, уыцы цыртдзæвæнтæ бахъахъхъæнын, газ æмæ доны фарстатæ сбæлвырд кæнын. Ахæм æмæ æндæр фарстатыл ныхас кодтой курорт «Мамысон»-ы дарддæры рæзтыл кусæг къорды æмбырды. Разамынд ын лæвæрдта Цæгат Ирыстоны хицауады сæрдар Тускъаты Таймураз.  Ныридæгæн æрныхас кодтой туристон комплексмæ газ æмæ дон бауадзыныл. Фæнд кæнынц цъасс ныссыгъдæг кæнын æмæ кусæнгæрзтæн сæрмагонд иртæстытæ саразын. Фæндаггон хæдзарады комитеты разамонæг Солиты Тариэль бафиппайдта, тъунел æмæ фæндæгты фæткæвæрды пълан цæттæ кæй у, уый. Уæлдай æргом æмбырды аздæхтой, «Мамысон»-ы фæзы цы цыртдзæвæнтæ ис, уыдоны истори бахъахъхъæныны фарстамæ. Къорды архайджытæ бахастой сфæлдыстадон конкурс саразыны фæнд. Æвзардзысты дзы цыртдзæвæнтæн хуыздæр эскизон куыст, цæмæй историон объекттæ хъахъхъæд æрцæуой. Уымæй уæлдай ма ацы куыстмæ æрбахондзысты инвесторты дæр. _________________________ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv