Паддзахадон Думæ рахæсдзæн кæронбæттæн уынаффæ ковид-сертификаттæ æмæ QR-кодтæ æнæмæнг аразыны

Абон паддзахадон Думæ рахæсдзæн кæронбæттæн уынаффæ ковид-сертификаттæ æмæ QR-кодтæ æнæмæнг аразыны хъуыддаджы фæдыл. Уый тыххæй абон фехъусын кæндзысты Паддзахадон Думæйы Советы æмбырды. Раздæр бæстæйы хицауад парти «Иугонд Уæрæсе»-йы уæнгтимæ рахастой уынаффæ QR-код æвдисæндартæ кæныны фæтк рæстæгмæ аиуварс кæнын, уымæн æмæ закъоныпроектыл хъæуы хуыздæр бакусын. Ома эпидемиологон уавæр кæй фæвазыгджындæр ис, уыимæ коронавирусæн ног штаммтæ кæй фæзынд, уымæ гæсгæ QR-кодты ахадындзинад ныртæккæ у дызæрдыккаг. Уæрæсейы президент Владимир Путин хицауадæн бабар кодта ковид-сертификатты фæдыл закъоныпроектыл бæстондæрæй бакусын. Президенты ныхæстæм гæсгæ, документыл кусгæйæ хынцын хъæуы цæрджыты уавæр æмæ сæ курдиæттæ. Фарстамæ се 'ргом здахдзысты Паддзахадон Думæ æмæ Федерацийы Советы уæнгтæ дæр. _________________________ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv