Æппæтуæрæсеон адæмон фронты уæнгтæ сбæрæг кодтой Дзæуджыхъæуы æхсæнадон бынæтты уавæр

Æппæтуæрæсеон адæмон фронты уæнгтæ æппынæдзух сæ хъус дарынц Дзæуджыхъæуы фæлгонцады уавæрмæ. Ныр дæр бабæрæг кодтой, национ проект «Городская среда»-йы фæлгæты Дзæуджыхъæуы цы æхсæнадон бынæттæ саив кодтой, уыдон. Розæ Люксембург æмæ Титовы номыл уынгты цы фæлладуадзæн бынæттæ ис, уыдон сарæзтой ацы проекты фæлгæты. Фæзынд дзы ног къахвæндæгтæ, бандæттæ æмæ рухсы цæджындзтæ. Се 'нæниздзинад хъыгдард кæмæн у, уыцы адæмæн дæр дзы сæвæрдтой æрбахизæнтæ. Эксперттæм разынд фиппаинæгтæ. Цы хъæндзинæдтæ рабæрæг кодтой, уыдон аиуварс кæныны тыххæй æнæмæнг фехъусын кæндзысты дзуаппдæттæг ведомствæтæм. _________________________ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv