Дзæуджыхъæуы 8 æм августы изæры 8 сахатыл сараздзысты æрвылазон акци «Свеча памяти»

Дзæуджыхъæуы Сыгъдæг Георгийы аргъуаны кæрты 8-æм августы изæры 8 сахатыл сараздзысты æрвылазон акци «Свеча памяти», зæгъгæ. Номарæн цырæгътæй æрымысдзысты Хуссар Ирыстон æмæ Гуырдзыстоны ’хсæн хæсты амæттæгты. Фыццаг хатт ацы акци ацыд 2009 азы. Хæсты рæстæг фæмард 2000 адæймагæй фылдæр. Уыдоны ’хсæн куыд хæдæфсæддонтæ, афтæ хуымæтæг цæрджытæ дæр. 2008-æм азы номарæн æмæ зæрдылдарæн мадзæлттæ цæттæ кæнынц Хуссар Ирыстоны дæр. Мысæн мадзæлттæ «Свободы страшная цена» цæудзысты 7-æм æмæ 8-æм августы. Йæ аразджытæ сты Хуссар Ирыстоны культурæйы министрад, уыимæ фæсивæдон политикæ æмæ спорты комитет. Майрæмбоны Анахарсисы номыл республикон чиныгдоны уыдзæн къамты равдыст «Мгновения… ада», Тбетыхъæуы цы музей ис «Сыгъд удты» номыл, уый цур та акцийы архайджытæ сæвæрдзысты дидинджытæ. «Страницы геноцида» мадзал та арæзт уыдзæн фæсивæдон политикæ æмæ спорты комитеты хъæппæрисæй. Зæрдылдарæн акциты рæстæг Хуссар Ирыстоны минæварады кæрты æруадздзысты республикæйы паддзахадон тырыса. Мысæн акцийы архайджытæ хæсты амæттæгты номыл ссудздзысты мыдадзон цырæгътæ. _________________________ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv