Цæгат Ирыстоны медицинон колледжы дарддæр цæуы коронавирусы ныхмæ вакцинаци

Цæгат Ирыстоны медицинон колледжы дарддæр цæуы цæрджыты вакцинаци. Æппæты тынгдæр дзы анхъæлмæ кæсынц студенттæм. Ахуырадон аз кæронмæ æрхæццæ, уымæ гæсгæ практикæйы агъоммæ æмæ хъæутæм ацæуыны размæ сын прививкæтæ кæнынц. «Спутник Ви» хос ныридæгæн скодтой 120 студентæй фылдæр. Медицинон ахуыргæнæндонмæ хæстæг чи цæры, уыдонæн дæр уыцы фадат ис. Уый тыххæй хъæуы медицинон колледжмæ æрбацæуын æмæ курдиат ныууадзын. Нырмæ уал коронавирусы инфекцийы ныхмæ вакцинæ Цæгат Ирыстоны ацыд 40 мин адæймагæй фылдæр. 30 минæй фылдæр скодтой компонентты дыууæ хайы дæр. Дохтырты хъуыдымæ гæсгæ вакцинаци у COVID-19 ныхмæ æппæты хуыздæр профилактикæ. _________________________ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv