Битарты Вячеслав республикæйы цæрджыты номæй арфæ ракодта Мæскуыйаг дохтыртæн

Битарты Вячеслав республикæйы цæрджыты номæй арфæ ракодта Мæскуыйаг дохтыртæн. Кæй ссыдысты, уымæн ис стыр ахадындзинад. Сæ сæйраг нысан у COVID-имæ тох кæнынæн ног мадзæлттæ равдисын. Фæлтæрдджын специалисттæ федтой республикæйы рынчындæтты уавæр, сарæзтой семинартæ, уыимæ бакодтой консультативон куыст. Методикон æххуысы тыххæй Мæскуыйаг специалисттæн Битарты Вячеслав радта бузныджы фыстæджытæ. Сæ куысты фæдыл арфæ ракодта Мæскуыйы хицауад æмæ Уæрæсейы президентæн, пандемийæйы рæстæг ахадгæ æххуыс кæй кæнынц, уый тыххæй. Уазджыты ныхæстæм гæсгæ цæгатирыстойнаг дохтыртимæ бакодтой ахадгæ куыст. Пайда уыд дыууæрдæм дæр. Республикæйы сæргълæууæджы пресс-службæ æмæ республикæйы хицауад куыд фехъусын кодта афтæмæй Цæгат Ирыстонмæ Мæскуыйæ рæхджы ссæудзæн дохтырты ног бригад. _________________________ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv