Коронавирусæй рынчынтыл суткæмæ бафтыд 56 адæймаджы

Коронавирусæй рынчынтыл суткæмæ бафтыд 56 адæймаджы. Æдæппæтæй сæ нымæц у 6 974. Цæгат Ирыстоны Æнæниздзинад хъахъхъæныны министрады фæстаг бæрæггæнæнтæм гæсгæ, республикæйы дзæбæхгæнæндæтты ис 889 адæймаджы. Уыдонæй Тагъд Æххуысы Клиникон Рынчындоны ис 704, COVID-мæ 28-æй, реанимацийы 57 адæймаджы, аппаратты фæрцы улæфынц 31-æй. Сывæллæтты Республикон Клиникон рынчындоны ис 23 сывæллоны æмæ 13 хистæр кары адæймаджы. 10 сывæллоны æмæ 11 хистæрмæ рабæрæг кодтой коронавирус. Хæцгæ низимæ 4-æй сты Арыдоны районы сæйраг рынчындоны. Рахизфарсы рынчындоны та ис 19 адæймаджы. Тæссаг низ дзы рабæрæг 4 адæймагмæ. Æнæниздзинад хъахъхъæнын министр Годжыцаты Тамерлан куыд фехъусын кодта, афтæмæй нæ республикæйæн рахай кодтой тагъд æххуысæн ног хæдтулгæтæ. Министры ныхæстæм гæсгæ медицинон уагдæтты нæ фаг кæны специалисттæ. Уымæ гæсгæ дохтыртæн æххуыс кæнынц профилон ахуыргæнæндæтты студенттæ. _________________________ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv