Æппæтуæрæсеон адæмон фронты минæвæрттæ æркастысты дæрддзæф хъæуты ног фелсырон акушерон пунктты

Республикæйы районты дæрддзæф хъæуты Нацпроект «Здравоохранение»-йы фæрцы медицинон лæггæдтæ исыны хъуыддаг фенцондæр. Медицинон куыстутты уавæртæ бæрæг кæнынц Æппæтуæрæсеон адæмон фронты минæвæрттæ. Сæ радон рейды тыххæй нæ дарддæры æрмæг. Республикæйы районты дæрддзæф хъæуты нацпроект «Здравоохранение»-йы фæрцы ныр медицинон лæггæдтæ исыны хъуыддаг фенцондæр, сæ хæрзхъæддзинад дæр фæхуыздæр. Ахæм хатдзæгмæ скодтой Æппæуæрæсеон адæмон фронты минæвæрттæ, биноныгæй Æрæфы районы Æхсæрысæры, Дзынагъа æмæ Стыр Дыгуры ногарæзт фелсырон-акушерон пункттæм æркасты фæстæ. Медицинон пунктты цæттæдзинадæй разыйæ баззадысты. Кæд тагъд медицинон æххуысы къарет бынатмæ уайтагъд бахæццæ вæййы, уæддæр, бастдзинады фарстатыл хъæуы бакусын. Медицинон куыстуаты специалисттæй цух не 'ййафы. Æппæтуæрæсеон адæмогн фронты уæнгтæ фæнысан кодтой лыстæг хъуыддæгтæ, фæхæццæ сæ кæндзысты Æрæфы районы сæйраг рынчындоны разамындмæ. Назырты Ларисæ цæры Лескены. Медицинон лæггад кæны 4 хъæуы цæрджытæн. Дзынагъа, Москæ, Одола æмæ Стыр-Дыгуры. Æрæджы сси программæ «Земский фельдшер»-ы архайæг, радтой йын сертификат 500 мин сомы. Æмткæй райсгæйæ ацы къабазы кусы 34 азы.Йæ куыстæй йæ зæрдæ райы, уæлдай æхсызгон та йын у ног уавæрты кæй кусы, уый. Нртæккæ цæрджыты цæуынц диспансеризаци, уыимæ æппæт медицинон процедурæтæ ног уавæрты цæрджытæн сæ бон у пункты ацæуын. Уæдмæ та уал дæрддзæф хъæуты цæрджыты хъæудзæн хъæугæ хостæ балхæныны тыххæй цæуын Цыколамæ. _________________________ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv