Скъолаты тæвд хæринаджы уавæрыл Сергей Меняйло æрдзырдта дзуапдæттæг ведомствоты минæвæрттимæ

Скъолаты хъарм хæринаджы фæтк æмæ йæ хæрзхъæддзинад. Сергей Меняйло ацы фарстатыл æрдзырдта дзуапдæттæг ведомствоты минæвæрттæ æмæ ЦИПУ-йы ректор Огъуаты Аланимæ. Сæйраг хæс у, скъолаты хæрæндæттæ куыд ифонггонд сты, уый сбæрæг кæнын. Ныхас ма цыд хъарм хæринаджы уавæр фæхуыздæр кæнынæн регионты 'хсæн сæрмагонд центр саразаныл. Йæ нысан уыдзæн методикон æххуыс. Саразын æй фæнд кæнынц ЦИПУ-йы бындурыл. Уыимæ ма, ведомствæты 'хсæн куыст цæмæй æнтыстджындæр уа, уый тыххæй дзы хъуамæ архайой уæлдæр ахуыргæнæндæттæ æмæ экспертон куыстуæтты минæвæрттæ. Сергей Меняйло фæнысан кодта, скъоладзауты хæрзхъæд хъарм хæринагæй ифтонг кæныны фарстайыл куыст кæнын кæй хъæуы регионалон кусæндæттимæ. _________________________ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv