Горæты 7-æм поликлиникæйы фӕзынд ног нырыккон нымæцон кусæнгæрзтæ
Горæты 7-æм поликлиникæйы фӕзынд ног нырыккон нымæцон флюорограф, маммограф æмæ компьютерон томограф. Медицинон уагдонæн сæ бантыст балхæнын æнæниздзинад хъахъхъæнынады модернизацийы программæйы фæлгæты. Афтæмæй фæхуыздæр ис медицинон лæггæдты хæрзхъæддзинад, бацархайдтой адæмы æнцойдзинадыл дæр. Зæгъæм, гом хуызы флюорограф сарæзтой, æхгæд банæттæй чи тæрсы, уыцы адæмæн. Иртæстыты бӕрӕггӕнӕнтӕ уыцы рæстæг æвдыст цæуынц мониторыл. Ног медицинон кусæнгæрзты руаджы низ ис рагагъоммæ рабæрæг кæнæн.