Æппæтуæрæсеон конкурс-фестивалы уæлахиздзауты схорзæх кодтой Дзæуджыхъæуы

Уæрæсейаг «Студенческая весна», зæгъгæ, конкурсы призерты æмæ уæлахиздзауты схорзæх кодтой Дзæуджыхъæуы. Хуыздæрты ’хсæн сты уæлдæр æмæ астæуккаг профессионалон ахуыргæнæндæтты 45 студенты. Эпидемиологон уавæры тыххæй республикон къæпхæн арæзт не ’рцыд. Цæгат Ирыстонæй финалы бацархайдтой, фæсивæды хъуыддæгты фæдыл комитет кæй сфидар кодта, уыцы студенттæ. Нæ делегаци бацахста 7 бынаты. Уæлдай хуыздæр фесгуыхтысты «народные инструменты соло», адæмон сценикон кафт æмæ «народный танец - малые формы» номинациты. Адæмон æмæ оперон зарæджы номинациты нæ минæвæрттæ райстой дыккаг бынæттæ.  Æртыккаг сси студентты иугонд къорд. Кады гæххæттытæ æмæ бузныджы фыстæджытæ уæлахиздзаутæ райстой культурæйы министр Къубалты Эльбрус æмæ фæсивæды хъуыддæгты фæдыл комитеты сæрдары хæдивæг Бекъойты Аслан. _________________________ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv