2021 æм азы иумæйаг паддзахадон фæлварæн информатикæйæ дæтдзысты компьютерон хуызы

Ахуырад æмæ наукæйы къабазы цæстдарæн федералон службæ фæнысан кодта, 2021 азы иумæйаг паддзахадон фæлварæн информатикæйæ цы фæткмæ гæсгæ дæтдзысты, уый. Иннæ аз ацæудзæн компьютерон хуызы, уыимæ Уæрæсейы æппæт регионты дæр. Уый тыххæй фехъусын кодта Ахуырад æмæ наукæйы къабазы цæстдарæн федералон службæйы разамонæджы хæстæ рæстæгмæ æххæстгæнæг Музаты Анзор. Раздæр фæлварæн лæвæрдтой гæххæттын бланктыл, ног хуызы дæттыны демоверси та фенæн уыдзæн сентябры райдиан. Ног фæтк фыццаг бамбарын кæндзысты ахуыргæнджытæн, уый фæстæ рауагъдонтæн. 2021-æм азмæ специалисттæ сбæрæг кæндзысты скъолаты техникон цæттæдзинад. Бафтаудзыстæм ма уый, æмæ иумæйаг паддзахадон фæлварæн информатикæйæ чи дæтты, уыдоны нымæц афæдзæй-афæдзмæ рæзы. _________________________ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv