«Уæрæсейы Посты» карджын адæмæн æххуыс кæнынц пандемийæйы рæстæг

«Уæрæсейы Посты» Цæгат Ирыстоны хайады кусджытæ æрбалæууыдысты карджын адæмы уæлхъус. Ацы уæззау рæстæг сын хæдзæрттæм хæссынц хойраг æмæ хъæугæ дзауматæ. Лæггадæй спайда кæнын йæ бон у алы карджын адæймагæн дæр. Уый тыххæй хъæугæ товарты хыгъд снысан кæнын, сæ аргъ сын бафидын, æмæ сæ постхæссæг хæдзармæ фæхæццæ кæндзæн. Уæрæсейы Посты хайады кусджытæ куыд зæгъынц, афтæмæй сæ куыстыл бафтыд, фæлæ низ уæззау уавæр кæй расайдта, уый æмбарынц. Посты куыст бæрнон æмæ бирæвæрсыг у. Коронавирусы низ кæй апарахат ис, уымæ гæсгæ постхæсджыты куыстыл дæр фæфылдæр. Газеттæй уæлдай ма пенсиисджытæн хæдзæрттæм хæссынц хойраг. Ам ссарæн ис продукттæ æмæ хæдзармæ хъæугæ дзауматæ. Æргътæ дæр бæрзонд не сты, уымæ гæсгæ ацы лæггадæй карджын адæм арæх пайда кæнынц. София Апостолиди Уæрæсейы постмæ æххуысмæ арæх æрбацæуы. Пенсиисæг æй æмбары, коронавирусы низæй хи бахъахъхъæнын хæдзары бадын кæй хъæуы, уый. Адæм бирæгæйттæй кæм æмбырд кæнынц, ахæм бынæттæм нæ цæуы. Постхæсджытæм дзуры æппынæдзух. Тынг æхсызгон нын у, ахæм лæггадæй нæ бон спайда кæнын кæй у, уый. Сæхæдæг нæм æрбацæуынц. Постæхæссæгмæ бадзурын телефонæй æмæ мæ цы фæхъæуы,уый мын æрбаххæсы. Арæхдæр мæ цы фæхъæуы, зæгъгæ, куы бафæрсат, уæд макъаронтæ, кърупатæ, къофи. Нæ постхæсджытæ тынг зæрдæхæлар адæм сты. Газеттæ рафыссынмæ дæр нæм фæкæсынц. Постхæссæг Людмила Бойко нæ хъаст кæны, куыст кæй фæфылдæр ис, уымæй. Æмбары йæ, пенсиисджытæн ныртæккæ хъæуы æххуыс кæнын. Зæрдиагæй æрбалæууы сæ фарсмæ, сæ къух сын фæрогдæр кæны. Сылгоймаг куыд зæгъы, афтæмæй раздæр дæр ацæргæ адæмæн продукттæ хæдзармæ хастой. Боны дæргъы нæм æрбадзуры 3-5 адæймаджы. Фылдæрæй дæр вæййынц. Нæ бон куыд вæййы, афтæ сын баххуыс кæнæм. Цы сæ бахъæуы, уый сын уайтагъд фæхæццæ кæнæм. Уæрæсейы посты дарддæр дæр æххуыс кæндзысты фæкæсын кæмæ хъæуы æмæ се ’ххуысмæ æнхъæлмæ чи кæсы, уыдонæн.  _________________________ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv