Алагиры цæрджытæ конституцимæ ивддзинæдты фæдыл хъæлæс кæнынц

Конституцимæ ивддзинæдтæ бахæссыны фæдыл Цæгат Ирыстоны схъæлæс кодтой 315 175 адæймаджы. Ахæм бæрæггæнæнтæ фæнысан кодтой Уæрæсейы Центрон æвзарæн къамисы информацион центры. Республикæйы кусынц 322 хайады æмæ 25 рæстæгмæ къамисы. Æвзарæн хайæдтæ гом сты райсомы 8 сахатæй изæры 8 сахатмæ. Хъæлæстæ банымайыдзысты 1-æм июлы. Сæ граждайнаг хæс æххæст кæнынц Алагиры районы дæр. Æвзарæн хайæдты куыст федта не `сфæлдыстадон къорд. Сæ граждайнаг хæс сæххæст кæнынмæ ацы хайадмæ адæм цæуынц ныр фæндзæймаг бон. Алчидæр йæ хæсыл нымайы ацы ахсджиаг хъуыддаджы бацархайын. Æвзарæн хайад дзуапп дæтты æппæт санитарон-эпидемиологон домæнтæн. Бахизæны ис сæрмагонд нысæнттæ, адæмæн дæттынц медицинон маскæтæ, къухтæ кæнынц дезинфекци. Æппæт домæнтæ дæр цæуынц æххæстгонд. Бæрнон адæймæгтæ куыд бафиппайдтой, афтæмæй адæмы æнæниздзинадæн тас ницæмæй у. Къораты Светланæ растыл банымадтæ медицинæ æмæ ахуырады къабазмæ ивддзинæдтæ бахæссыны фарста. Куыд бафиппайдта, афтæмæй ныры рæстæг ацы дыууæ къабазы сты æппæтæй ахсджиагдæр. Къораты Светланæ, Алагиры цæрæг: «Æз æрбацыдтæн мæ хъæлæс раттынмæ Конституцимæ ивддзинæдтæ бахæссыны тыххæй. Мæнмæ гæсгæ, ацы хъуыддаг ахсджиаг у, уымæн æмæ нæ фидæн махæй аразгæ у. Абон цы фидæн равзарæм, уыцы фидæны райсом цæрдзыстæм». Æрмæст хистæр кары адæм нæ хъæлæс кодтой, фæлæ ма фæсивæд дæр. Уый та у уæлдай æхсызгон. Айларты Эмилия _________________________ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv