Цæгат Ирыстоны фæзындзæн 3 гидроэлектростанцæйы

Цæгат Ирыстоны дарддæр кусынц гыццыл гидроэлектронстанцæтæ рацаразыны фарстайыл.Фæзындзысты Алагиры, Æрæфы æмæ Мæздæджы районты. Пъланмæ гæсгæ, арæзтадон куыстыты архайдзысты 600 адæймаджы. Республикæйы цæрæнуæтты-коммуналон хæдзарад, артаг æмæ энергетикæйы министрад Русгидромæ бахастой курдиат, цæмæй арæзтадыл бакусой бынæттон цæрджытæ. Станцæтæ кусын куы райдайой, уæд дзы бахъæудзæн 30 специалисты. Куысты бынæттæй уæлдай ма станцæтæ бынæттон бюджеттæ фæфылдæр кæндзысты 85 милуан сомы бæрц. Ног гидроэлектрон станцæты иумæйаг тых уыдзæн 17 мВт-æй фылдæр. Се `руаджы хæхон хъæутæм электрон тых цæудзæн æнæ къуылымпытæй. Уыимæ ма, республикæйы районты туризмы рæзтæн дæр æрхæсдзæн стыр пайда. РусГидро инвестицион проекттыл бахардз кæндзæн 4 миллиард сомы. Арæзтадон куыстытæ хъуамæ баххæст кæной 2024 азмæ. _________________________ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv