Хуссар Ирыстоны коронавирусӕй рынчынтыл бафтыд 66 адæймаджы

Хуссар Ирыстоны амбулаторон хуызы тæссаг низæй хи чи дзæбæх кæны, уыдонæн хостæ лæвæрд цæудзысты лæвар. Уыцы хъуыддагыл бакусын профилон министрадæн бабар кодта Бибылты Анатолий. Уымæй уæлдай хицауады æмбырды уынаффæ рахастой коронавирусы ныхмæ мадзæлттæн 61 милуан сомы рахай кæнын. Ковид рынчынтыл республикæйы бафтыд 66 адæймаджы. 11-æй сты уæззау уавæры. Пандемийæйы райдианæй баисты 1 275. Уæрæсеимæ арæнтæ куы байгом кодтой, уæдæй нырмæ хæцгæ низ рабæрæг мин адæймагæй фылдæрмæ. Республикæйы сæйраг санитарон дохтыр Кочиты Маринæ куыд фехъусын кодта, афтæмæй суткæмæ рынчындæттæй рафыстой 15 адæймаджы. Æдæппæтæй дзæбæхгæнæндæтты ис 256 адæймаджы. Уыдонæй æфсæддон госпиталы 66. Тæссаг низæй чи амард, уыдоны нымæц у 14. _________________________ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv