Цæгат Ирыстоны центрон æвзарæн къамис сфидар кодта Паддзахадон думæмæ хатдзæгтæ

Цæгат Ирыстоны центрон æвзарæн къамис сфидар кодта Паддзахадон думæмæ депутаттæм æвзæрстыты хатдзæгтæ. Уый тыххæй фехъусын кодта центрон æвзарæн къамисы сæрдар Моргуаты Жаннæ. Протоколты 100% бæрæггæнæнтæм гæсгæ Цæгат Ирыстоны фæуæлахиз парти «Иугонд Уæрæсе». Схъæлæс ыл кодтой 340 мин 844 адæймаджы. Уый у хъæлæсгæнджыты иумæйаг нымæцæн йæ 71%. Дыккаг бынаты ис Уæрæсейы Коммунистон парти, æртыккæгтæ сты — «Рæстдзæвин Уæрæсе», цыппæрæм бынаты та ис Уæрæсейы либералон-демократон парти. Æвзæрстыты æдæппæтæй бацархайдтой цæрджыты 86%. Иумандатон æвзарæн зылды æвзæрстыты схъæлæс кодтой 449 мин 040 адæймаджы. Паддзахадон думæмæ 8-æм æмбырды æвзæрстыты фæуæлахиз Таймазты Артур, схъæлæс ыл кодтой цæрджыты 76%, дыккаг бынаты — Бестауты Сослан, æртыккаг — Дыдарты Сослан. _________________________ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv