Цæгат Ирыстоны цæрæнуæтты коммуналон хæдзарады цæттæ кæнынц хъармгæнæн рæстæгмæ

Цæрæнуæтты коммуналон хæдзарады кусджытæ цæттæ кæнын райдыдтой хъармгæнæн рæстæгмæ. Бæрæг кæнынц дзуапдæттæг куыстуæтты æмæ гæрзты уавæр. Пецтæ цалцæг кæнынц, сæ уавæрмæ гæсгæ сæ ногтæй ивынц. Куысты фæтк бæрæг кæнынæн ис сæрмагонд штабы дæр. Бæлвырддæр нæ дарддæры æррмæджы. Ацы азы хъармгæнæн рæстæджы æмгъуыд нырма æрæджы фæци, фæлæ цæрæнуæтты коммуналон службæтæ цæттæ кæнын райдыдтой фидæны сезонмæ. Ныртæккæ ивынц зæронд хæтæлтæ. Уымæй уæлдай ма бæрæг кæнынц республикæйы хъармгæнæн пунктты ифтонггæрзты уавæр. Ныртæккæ Цæгат Ирыстоны ис 191 хъармгæнæн куыстуаты. Уыдонæй 104 - Дзæуджыхъæуы. 240 километры хъармгæнæн хæтæлтæй 33 хъæуы баивын. Куыстыты фæтк æмæ хæрзхъæддзинад бæрæг кæныны тыххæй республикæйы ис сæрмагонд штаб. Специалисттæ скодтой хаттдзæгтæ фароны куыстæн дæр. Афтæ хъæндзинæдтæ рабæрæг кæнынц æмæ сыл бакусынц. Специалисттæ куыд зæгъынц, афтæмæй æппæт куыстытæ цæуынц нысангонд фæткмæ гæсгæ. 15-æм сентябрмæ иуылдæр æххæстгонд æрцæудзысты. Дзæдзойты Фатимæ, Томайты Аланæ, Каджаты Алыксандр. Ирыстоны хабæрттæ. _________________________ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv