Тарнизы ныхмæ сывæллæтты стационары арæзтадыл Уæрæсейы æнæниздзинад хъахъхъæныны министрад сразы ис

Тарнизы ныхмæ сывæллæтты стационары арæзтад Цæгат Ирыстоны Уæрæсейы æнæниздзинад хъахъхъæныны министрад нымайы раст уынаффæйыл. Сывæллæтты дзæбæх кæнынæн ног кусæндоны уыдзæн алывæрсыг фадæттæ. Хъуамæ фæхуыздæр уа лæггæдты хæрзхъæддзинад дæр. Ныртæккæ сывæллæтты стационар тарнизы ныхмæ республикон диспансерæй дæрддзæф у. Афтæмæй та, специалистты ныхæстæм гæсгæ, тарнизимæ баст уавæр, республикæйы зæрдæйы фæндиаг нæу. Сывæллæттæн арæзт бæстыхайы уыдзæн 45 бынаты. Афтæ ма - лаборатори, хæрæндон, дезинфекцигæнæн камерæ æмæ æндæр хъæугæ хайæдтæ æмæ корпустæ. Дохтырты къухы уыдзæн нырыккон домæнтæн дзуапдæттæг медицинон кусæнгæрзтæ. Уæвгæ, ныртæккæ регионалон æмæ федералон хицауады хъæуы æрмæстдæр фæрæзтæ ссарын. Федералон программæты архайынæн объектæн скодтой æмбæлгæ гæххæттытæ æмæ сæ бахастой Уæрæсейы æнæниздзинад хъахъхъæныны министрадмæ. _________________________ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv