Æрыгон режиссер Мадина Тоголоковайы кинонывы премьерæ ацыд абон Дзæуджыхъæуы

Æрыгон режиссер æмæ сценарист Мадина Тоголоковайæн рацыд йæ фыццаг цыбыр киноныв «Дзуар». Ист æрцыди историон цаутæм гæсгæ. Йæ сæйраг хъайтар у дзуары бынæй мысайнæгтæ чи радавта, ахæм æвзонг лæппу. Йæ алайаг ми цы фæстиуджытæм расайдта æмæ кинонывы сæйраг мидис цы у, уый тыххæй радзурдзæн нæ уацхæссæг Хуасдзаты Алинæ. Кинонывы архайд цæуы хæххон хъæуы. Батрадз у скъоладзау. Иннæ сабитау урокты фæстæ йæ рæстæг хъæлдзæгæй æрвиты. Фæлæ иу бон йæ цард цæхгæр фæивта. Мысайнæгтæ куы адавта, уый фæстæ. Цы æвзæр хъуыддаг бакодта, уый йæхæдæг дæр æмбары лæппу. Фæлæ йæ тæригъæд кой скæнын йæ бинонтæн йæ бон нæу. Батрадзы ролы ахъазыд Битарты Роберт. Актеры хуызы йæхи бафæлвæрдта фыццаг хатт. «Дзуар» у цыбыр киноныв. Сæйраг ролтæ дзы ахъазыдысты сабитæ. Алчидæр дзы сыгъдæг зæрдæйæ бацархайдта йæ хъайтары миддуне равдисыныл. Киноныв арæзт у, æцæгæй чи `рцыд, ахæм цаумæ гæсгæ. Йæ сценарист æмæ режиссер у Мæдинæ Тоголокова. Кино сисыны хъуыды йæм фæзынд 3 азы размæ. Гранты руаджы йæ къухы бафтыд. Кинонывæн йæ хæс у адæмæн, раст цы нæу æмæ сабитæм фылдæр æргом æздахын кæй хъæуы, уый бамбарын кæнын. Абон «Дзуар» равдыстой фыццаг хатт. Премьерæйæ уазджытæ баззадысты разыйæ. Режиссеры хъуыды раст æмæ пайда кæй у, ууыл дызæрдыг нæ кæнынц. Кинонывæн ма сараздзысты иу равдыст. Кæд æй фенæн уыдзæн, уый тыххæй рагацау фехъусын кæндзысты социалон хызæгты. _________________________ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv