«Законы и право великой страны» æмæ «Правовой патруль 2020», зæгъгæ, проекттæн хатдзæгтæ скодтой

«Законы и право великой страны» æмæ «Правовой патруль 2020», зæгъгæ, проекттæн хатдзæгтæ скодтой. Сæрмагонд прогаммæтæ расидтысты нæ бæстæйы президенты хъæппæрисæй. Сæ райрæзтыл кусынц нæ республикæйы алы районы дæр. «Законы и право великой страны»-йы сæйраг нысан - цæрджытæн баххуыс кæнын, цæмæй ахст чи ’рцæуы, уыдон юридикон æххуыс исой æнæкъуылымпытæй, сæ бартæ зоной. Уыимæ ма республикæйы фæсивæд, цæмæй экстремисттон æмæ фыдгæнджыты къордты ма хауой. Проект «Правовой патруль 2020» æххæстгонд æрцыд нæ республикæйы национ ахастдзинæдты фарстаты фæдыл министрады æххусæй. Мæхъиты Тамарæ, регионалон æхсæнадон организаци «Правовой центр право»-йы сæрдар: «Проектты фæлгæты сарæзтам 36 рухстауæн-профилактикон лекцийы, 6 тымбыл стъолы. Ахуырадон организациты арæзтам фембæлдтытæ. Тренингты фæрцы бацархайдтой 300 адæймагæй фылдæр. Сарæзтам ма нæ бæстæйы конституцийы закъонтимæ баст олимпиадæ». _________________________ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv