Национ ахастдзинæдты фарстаты фæдыл министрады сбæрæг кодтой ацы азы куысты хатдзæгтæ

Национ ахастдзинæдты фарстаты фæдыл министрады сбæрæг кодтой ацы азы куысты хатдзæгтæ. Цы фæндтæ сæм уыд, уыдон се 'ппæт сæххæст кæнын къухы нæ бафтыд. Эпидемиологон уавæр сын сæ пълæнттæ фæкъуылымпы кодта. Ныр сæ куыст фылдæр цæимæ бæттынц, уый у «Цæгат Ирыстоны нациты 'хсæн ахастдзинæдты рæзт»-ы фæдыл программæ. Бирæвæрсыг у. Республикæйы национ-культурон æхсæнадтæн æххуыс. Уæдæ ма аразынц студенттæ æмæ скъоладзаутимæ профилактикон фембæлдтытæ дæр. Æнгомæй кусынц Уæрæсейы алы регионтæ æмæ фæсарæнты цæрæг ирæттимæ дæр. Æмбырд райдыдта æхсызгон хабарæй. Цæгатирыстойнаг регионалон æхсæнадон змæлд «Нæхи Ирыстон» сси æппæтуæрæсеон преми «Гордость нации»-йы лауреат. Министры къухæй хæрзиуджытæ райстой уæлахиздзаутæ: грекъаг регионалон æхсæнад «Прометей» æмæ националон-культурон организаци «Эребуни»-йы сæргълæуджытæ. Сæ куыстæн сын федералон æмвæзадыл скодтой стыр аргъ. Нациты 'хсæн ахастдзинæдтæ фидардæр кæнынмæ стыр æвæрæн кæй бахастой, уый фæдыл. Республикæйы регионалон националон-культурон æхсæнæдтæн министр ракодта арфæйы ныхæстæ. Куыд егъау, афтæ чысыл къордтæ дæр пандемийы рæстæг стыр æххуыс бакодтой, зын уавæры чи бахауд, уыдонæн. Министрад æххуыс кæны, Уæрæсейы регионты цы ирæттæ цæрынц, уыдонæн. Хъæрæсе-Черкесийы Лабæйы скъоладзауты сифтонг кодтой методикон литературæйæ. Фидæны ма, ахæм хуызы се 'ргом аздахдзысты Озрекмæ дæр. Æрвылаз республикæ æрбангом кæны фæсарæнты цæрæг ирæтты. Проект «Этнолагеры» руаджы сын фадат вæййы Ирыстоны традицитæ æмæ культурæимæ хæстæгдæр базонгæ уæвынæн. Сæхи бавæлварынц алыхуызон дæсныйад æвдисæг ахуыртæ. Йæ архайджыты нымæц азæй-азмæ кæны фылдæр. Алы аз нæ республикæ суазæг кæны фæсарæйнаг бæстæтæй делегациты уæнгты. Финлянди æмæ Ираны минæвæрттæм æнхъæлмæ кастысты ацы аз. Фæлæ эпидемиологон уавæрмæ гæсгæ фембæлд аргъæвтой. Министрады хъæппæрисæй Уæрæсейы æмæ фæсарæнты ирон диаспорæты цард æмæ куысты тыххæй исынц документалон кинонывтæ. 2020 азы бакуыстой Санкт-Петербург æмæ Цæгат Ирыстоны бастдзинæдты фæдыл кинонывыл «Аланы Северной столицы», зæгъгæ. Йæ премьерæ пъланмæ гæсгæ хъуамæ уа декабры кæроны. Министрады куысты хатдзæгтæй иу у этнографион атлас дæр. Мыхуыры рацыд ацы аз. Министрады хъæппæрисæй йыл бакуыстой гуманитарон æмæ социалон иртæстыты институты. Ныхас дзы цæуы, Цæгат Ирыстоны цы адæмыхæттытæ цæрынц, уыдоны истори æмæ царды тыххæй. Уæдæ фидæны азмæ дæр министрады хæстæ къаддæр нæ фæуыдзысты. Зæрдæ бавæрдтой, кæй сыл бакусдзысты, уымæй. Хуасдзауты Алинæ _________________________ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv