Æнæхæдзар цæрæгойты бонмæ сывæллæтты 176-æм рæвдауæндоны сарæзтой акци

«Стыр æххуыс чысыл хæларæн». Ахæм сæргондимæ акци сарæзтой Дзæуджыхъæуы сывæллæтты 176-æм рæвдауæндоны. Цæрæгойты уарзын æмæ сыл аудын, бархиондзинады архайын куыд ахсджиаг у, уый тыххæй сабитæн радзырдтой актёр, зарæггæнæг, шоу «Голос»-ы архайæг, Мæскуыйы бархионты гимны автор Дмитрий Нестеров æмæ зарæггæнæг, æхсæнадон архайæг Анастасия Раинская. Уæрæсейы æппæтæй æрыгондæр бархион Соня Мрыкова та равдыста, йæ цыппаркъахыг хæлары цæуыл сахуыр кодта, уый. Сывæллæттæ мадзалмæ скодтой нывтæ, балæвар сæ кодтой уазджытæн. Акци Æнæхæдзар цæрæгойты æппæтдунеон бонмæ бацæттæ кодтой рæвдауæндоны кусджытæ.