Журналистикæйы факультеты минæвæрттæ фембæлдысты Суворовы номыл æфсæддон училищæйы курсанттимæ

Дзæуджыхъæуы литературон сфæлдыстадон конкурсæн хатдзæгтæ скодтой. Конкурс арæзт уыд Цæгат Кавказы æфсæддон училищæйы ахуырдзауты 'хсæн. ЦИПУ-йы журналистикæйы ахуыргæнджытæ æмæ студенттæ фембæлдысты курсанттимæ. Специалисттæ стыр аргъ скодтой ахуырдзауты сфæлдыстадæн. Бакæсут нæ дарддæры æрмæгмæ. Гуыр рараст кӕнын æмæ сæр бæрзондӕй хæссын. Раст рæнхъытæй суворовонтæ фидар уӕрӕх кахдзӕфтӕй раст кӕнынц сӕ цыд. Суворовы номыл æфсæддон училищæйы ахуыр кæнынц, йæ цард йæ Фыдыбæстæ хъахъхъæнынæн чи снывонд кодта, йæ хæсыл райгуырæн зæхх знагæй бахизын чи нымайы, уыдон. Фæлæ йæ се 'ппæт нæ зонынц ӕфсӕддоны хъæбатыр æмæ тызмæг цæстæнгасы фæстæ поэты курдиат æмбæхст кӕй ис. Ацы рæнхъытæ ныффыста 5-æм къласы ахуыргæнинаг Алан Кониати. Суворовы номыл училищæйы хъомылгæнинаг цæры карз æфсæддон фæткмæ гæсгæ. Фæлæ æвзонг гуырды уый нæ хъыгдары æмдзæвгæтæ фыссын æфсæддон тематикæйыл. Йæ уацмыстæ Алан арвыста литературон сфæлдыстады конкурс «Проба Пера»-мæ. Æмæ бацахста дыккаг бынат. Конкурсы архайынц æфсæддон журналисттæ æмæ публицисттæ. Æвзонг лæппутæн сæ уæлахизы фæдыл арфæ ракæнынмæ саккаг кодтой журналистикæйы факультеты ахуыргæнджытæ æмæ студенттæ. Ӕдæппæтæй конкурсмæ бацæттæ кодтой 11 куысты. Се 'хсæн æмдзæвгæтæ, радзырдтæ æмæ ма суанг аргъæуттæ дæр. ЦИПУ æмæ æфсæддон училище кæнынц æнгом æмгуыст. Ахуырадон кусæндæтты разамонджытæ бафыстой иумæйаг ахуырадон кластер саразыны бадзырд. Уыдзæн ын йæхи хъомыс. Сæ арæхстдзинад суворовонтæ æвдисынц иннæ къабæзты дæр. Æфсæддон службæйæ уæлдай ма исынц кинонывтæ, аразынц хи проекттæ æмæ суанг хуыйыны куыст дæр кæнынц. Уымæн училищæйы ис æппæт хъæугæ материалон-техникон авналæнтæ. Æппынæдзух сæхиуыл кусынц сæ фадæттæ фæуæрæхдæр кæныныл. Зонгæ-зонын студенттæ æмæ ахуыргæнджытæ курсанттæн радзырдтой ЦИПУ-йы æнусон историйы тыххæй. Фæнд бахастой, æфсæддон журналистикæимæ йæ цард сбæттын кæй фæнды, уыдонæн дæсныйадæвдисæн ахуыртæ саразын. Ахæм æмгуыстад дыууæ ахуыргæнæндоны 'хсæн бындур сæвæрдта æнтыстджын æмархайдæн. Уый фæрцы рабæрæг кæндзысты курдиатджындæр сывæллæтты. Уымæй уæлдай, фадат уыдзæн уæлæмхасæн ахуырадон программæтæ баххæст кæнын. Брытъиаты Феликс _________________________ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv