Цæгат Ирыстоны дарддæр цæуы коронавирусы ныхмæ вакцинаци

Куыд æппæт Уæрæсейы, афтæ Цæгат Ирыстоны дæр дарддæр цæуы вакцинаци. Барвæндонæй прививкæ скæныны фадæттæ аразынц республикæйы районты цæрджытæн. Се ‘хсæн – Горæтгæрон район дæр. Прививкæ скæныны размæ уал, æнæмæнг, хъæуы дохтыры æркаст ацæуын. Æрвылбон Горæтгæроны сæйраг рынчындоны вакцинаци ацæуынц 20-æй 60 адæймаджы онг. Укол скæныны размæ уал — дохтыры æркаст. Нæй йæ кæнæн, йæ буары тæвд бæрзонд кæмæн у, ахæмтæн, сывæллæттæн, æнхъæлцау сылгоймæгтæн æмæ хъыгдард æнæниздзинадимæ адæмæн. Татьяна Кочеткова цæры Октябрскæйы. Йæхæдæг æмæ йæ бинонтæ коронавирусæй фæрынчын сты фарон. Ацы аз сфæнд кодта вакцинаци ацæуын. Дызæрдыг нæ кæны, кæй ын баххуыс уыдзæн, ууыл. Ныртæккæ коронавирусы низ парахат кæныны ныхмæ вакцинаци у сæйраг мадзал. Дохтыртæ сидынц адæммæ, цæмæй сæхи æмæ сæ бинонты бахъахъхъæнынæн скæной ацы хос. Пелиты Сабинæ _________________________ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv