Афæдзы райдианæй Цæгат Ирыстоны æрцыд наркотиктæ зилдухимæ баст 22 фыдракæнды

Афæдзы райдианæй Цæгат Ирыстоны æрцыд наркотиктæ зилдухимæ баст 22 фыдракæнды. Уый тыххæй фехъусын кодтой наркотикты ныхмæ республикон къамисы æмбырды. Уыимæ ма, наркотиктæ чи парахат кодта, ахæм 5 къорды ныхмæ байгом кодтой 5 уголовн хъуыддаджы. Республикæйы сæргълæууæг Битарты Вячеслав куыд фæнысан кодта, афтæмæй ахсджиагдæр у фæсивæды наркотиктæ пайда кæнынæй бахъахъхъæнын. Уый тыххæй бабар кодта сæрмагонд мадзæлттæ аразын. Наркологон диспансеры разамонæг Газайты Алыксандр куыд бафиппайдта, афтæмæй скъоладзауты ’хсæн наркотиктæм æмхиц чи у, уый раиртасыны тестытæ аразыны фæткы æрцыд ивддзинæдтæ. Къамисы æмбырды ма ныхас цыди, спортсментæ, арæх пайдаганæн кæмæй нæй, ахæм буаргъæдтæм сæ хъус кæй дарынц, ууыл. Фæстæдæр ахæм хостæ сæ æнæниздзинадыл æвзæры рдæм фæзынынц. Уæ зæрдыл уын æрлæууын кæндзыстæм, Цæгат Ирыстоны ис 10 реабилитацион центры. Ацы аз дзы ис 630 адæймаджы. Уый, фароны бæрæггæнимæ абаргæйæ, у фылдæр. Ахсджиагдæр у, цæмæй зианхæссæг кæнонæй фæцух уой. _________________________ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv