Тусъкаты Таймураз фембæлд Горæтгæрон районы цæрджытимæ

Цæгат Ирыстоны хицауады сæрдары хæстæ рæстæгмæ æххæстгæнæг Тусъкаты Таймураз фембæлд Горæтгæрон районы цæрджытимæ. Адæм æрбацыдысты алыхуызон фарстатимæ. Зæгъæм, поселок «Молодёжный»-йæн юридикон статус сфидар кæнын. Ныртæккæ йæ цæрджытæ никæй бæрны сты. Поселоччы нæй канализацион системæ. Æппæт риссаг фарстатæ дæр цæрджытæ иуварс кæнынц сæхи тыхтæй. Михайловскæйы цæрджытæ та тыхсынц æнæхицау куыйтæй. Куыд зæгъынц, афтæмæй сывæллæттæн тæссаг сты. Ныхас ма цыд бирæсывæллонджын бинонтæн зæххы хай радих кæныныл. Тускъаты Таймураз хъуыддагмæ йæ цæст дардзæн. Районы хицауадæн та бахæс кодта алы курдиатыл дæр бæрнонæй бакусын. _________________________ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv