Дзæуджыхъæуы схорзæхджын кодтой Хетæгкаты Къостайы номыл æркасты уæлахиздзауты

Дзæуджыхъæуы схорзæхджын кодтой Хетæгкаты Къостайы номыл æркасты уæлахиздзауты. Мадзалæй æрымысыдысты ирон литерæтурæйы бындурæвæрæджы ном. Эпидемиологон уавæрмæ гæсгæ, конкурс ацыд онлайн хуызы. Архайдтой дзы 500 сывæллоны. Се ’хсæн минæвæрттæ Хуссар Ирыстонæй. Къамисы уæнгтæ æрзылдысты нæ республикæйы районтыл æмæ уæлахиздзаутæн раттой сæ кады нысæнттæ. Абон та Дзæуджыхъæуккаг 103 архайæджы рацыдысты кæронбæттæн къæпхæнмæ, 16-æй дзы бацахстой фыццаг бынæттæ. Се ’хсæн хи фыст æмдзæвгæтæ чи бакаст, уыдон. Æмдзæвгæтæ аив кæсыны конкурс расидтысты Хетæгкаты Къостайы номыл наукон-культурон центры. Архайджыты курдиатæн аргъ кодтой фысджыты цæдисы уæнгтæ ирон æвзаг æмæ литературæйы ахуыргæнджытимæ иумæ. Сывæллæттæй алкæмæндæр скодтой зæрдылдарæн лæвæрттæ - ирон чингуытæ. _________________________ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv