Сергей Меняйло фембæлд амалхъом адæймæгты бартæ хъахъхъæнæг Медойты Тимуримæ

Цæгат Ирыстоны сæргълæууæджы хæстæ рæстæгмæ æххæстгæнæг Сергей Меняйло фембæлд амалхъом адæймæгты бартæ хъахъхъæнæг Медойты Тимуримæ. Дзырдтой регионалон амалхъомадæн экономикæйы æмбæлгæ уавæртæ саразыныл. Медойты Тимур радзырдта, цæй фæрцы ис барадон уагæвæрд фæхуыздæр кæнын, уый тыххæй. Йæ ныхæстæм гæсгæ, уый фæрцы амалхъомады авналæнтæ фæуæрæхдæр уыдзысты. Республикæйы разамонæг та фæнысан кодта, хъалонтæ афойнадыл чи фиды æмæ йæ куыст закъонмæ гæсгæ чи аразы, уыцы куыстуæттæ паддзахадæй дæр рæххуыс исдзысты. Фембæлды кæрон Сергей Меняйло бабар кодта амалхъомады къабазы фæдыл æмбырд саразын. Уым æрныхас кæндзысты амалхъомады риссагдæр фарстатыл æмæ сæ аиуварс кæныны мадзæлттыл. _________________________ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv