Цæрæнбынаты сертификаттæ республикæйы ацы аз райсдзысты 800 бинонтæ

Цæрæнбынаты сертификаттæ чи райсдзæн уыдоны номхыгъд республикæйы хицауад сбæлвырд кодта. Æнæбары сæ цæрæнбынат чи ныууагъта, ахæм 181 бинонтæ райсдзысты ног фатертæн сертификаттæ. Арæзтад æмæ архитектурæйы министр Тотыккаты Артуры ныхæстæм гæсгæ раздæр ахæм æххуыс райстой 100 бинонтæ. Æдæппæтæй ацы аз сæ цæрæн уавæртæ фæхуыздæр кæндзысты 800 бинонтæн. Дыгуры æмæ Æрæфы районы техникон училищæты рауагъдонтæн та фадат уыдзæн стажировкæтæ ацæуын. Уый тыххæй районтæн рахай кодтой уæлæмхасæн æххуыс. Куыстдæттыны комитеты разамонæг Платы Альбинæ куыд зæгъы афтæмæй бынæттон администрацитæн арвитдзысты 540 мин сомæй фылдæр.  Футболон клуб «Спартак-Владикавказ» ныр хæсдзæн футболы академи «Алания»-йы ном. Уый тыххæй фехъусын кодта физкультурæ æмæ спорты министр Хуыгаты Алан. Академийы кусдзысты æрыгон футболистты курдиат раргом кæныныл. Тускъаты Таймураз куыд бафиппайдта, афтæмæй футболы райрæзтæн хъæуы сæрмагонд системæ саразын æмæ уавæртæ, цæмæй спортментæн æмбæлгæ æмвæзадыл сæ бон хъазын уа, уый тыххæй. Олимпаг, Паралимпаг, Сурдалимпаг хъæзтыты уæлахиздзаутæ æмæ тренерты æрвылмæйон фиддонтæ 15 мин сомæй фæфылдæр кодтой 20 мины онг.  _________________________ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv