Хицауады уæнгтæ æрдзырдтой республикæйы цæрджыты ахсджиаг фарстатыл

Дзæуджыхъæуы уыд Оперативон Штабы æмбырд. Ныхас кодтой коронавирусы инфекци апарахат кæнын ма бауадзыны мадзæлттыл. Базарадон центрты гæнæн ис æмæ фæзыной вакцинацийы пункттæ. Æдасдзинады домæнтæ, куыд æмбæлы, афтæ æххæст кæныны хъуыддагмæ кæсдзысты лæмбынæгдæр. Уæрæсейы фæлхасгæнджытæм цæстдарды управленийы кусджыты ныхæстæм гæсгæ, Цæгат Ирыстоны æппынæдзух аразынц рейдтæ, куыд æхсæнадон бынæтты афтæ æхсæнадон транспорты дæр. Сæ сæйраг хæс у тæссаг низ ма `руадзын. Управленийы кусджытæ æмгуыст кæнынц мидхъуыддæгты министрады специалисттимæ. Æмбырды дзырдтой медицинон кусæндæтты уавæры тыххæй дæр. Хъæугæ хостæ дзы фаг ис æви нæй, ууыл. Дзуапдæттæг министрад самал кодта 30 мин сæрмагонд тесты, уæдæ тагъд æххуысы службæйæн дæр райсдзысты экспресс-тестытæ. Республикон клиникон æмæ Архонкæйы рынчындæтты бындурыл пациенттæн фæзындзысты уæлæмхасæн бынæттæ. _________________________ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv