Цæгат Ирыстоны цæуынц Хъалмыхъы культурæйы бонтæ

Нывгæнджыты æмæ ювелирты куыстытæ, национ костюмтæ æмæ фæлындæнтæ, кæфтытæ æмæ музыкæ. Хъалмыхъы бонтæ Ирыстоны райдыдтой ирд æмæ хъæлдзæг мадзæлттæй. Кафты паддзахадон театр «Орайты» Ирон театры сценæйыл равдыста сæрмагонд программæ. Адæмон эпосы зæлтимæ кадджын уавæры зындгонд кадæггæнæг Владимир Каруев байгом кодта Хъалмыхъы бонтæ Ирыстоны. «И друг степей - калмык». Ахæм равдыст та байгом Национ музейы. Равæрдтой дзы хъалмыхъаг нывгæнджыты куыстытæ. Уыдонæй уæдлай ма ам ис хотыхтæ æмæ хæцæнгæрзтæ фенæн. Сарæзта сæ æрмдæсны Александр Дорджиев. Ныр сыл архайы 2 азы бæрц. Уымæй размæ куыста хуыйæгæй. Равдысты у хъалмыхъы æфсæддон-патриотон клубы минæвар. Нывгæнджыты æмæ ювелирты куыстытæ. Хъæдæй æмæ стæгæй конд дзауматæ. Иуылдæр сты лæмбынæг арæзт. Афтæ национ костюмтæ æмæ сæ фæлындæнтæ дæр. Радыста сæ Татьянæ Миловановайы костюм æмæ пластикæйы театр. Хъалмыхъы кафты паддзахадон театр «Орайты» та Ирон театры сценæйыл равдыста сæрмагонд программæ «Золотой фонд калмыцкого танца», зæгъгæ. Фæстаг хатт къорд Ирыстоны уыд 20 азы размæ. Равдыст аххæсдзæн мæй. Мадзал аразджытæ сты Цæгат Ирыстоны æрмдæсныты центр, Нывгæндæжыты цæдис æмæ национ музей. _________________________ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv