Ногдзауты бон | Дæ райсом хорз, Ирыстон!

1922 азы 19 майы, Æппæтуæрæсеон фæскомцæдисы уынаффæмæ гæсгæ, райдыдтой пионерты отрядтæ аразын. Уæдæй, 19 майы, пионертæ райдыдтой сæ бæрæгбоныл нымайын. Пионерты рæнхъыты уыдысты сабиты хуыздæртæ. Хастой сæ хъуырыл Уæлахизы сырх Тырысайы хуызæй ахуырст æрттигъон галстук. Сæрыстыр дзы уыдысты, кадимæ йæ дардтой. Калоты Тамарæ райгонд у сабибонтæй, æхсызгонæй мысы йæ архайд пионерты змæлды, гастук та у йæ зæрдæйæн зынаргъ дзаума.