Дзæуджыхъæуы ацыд интеллектуалон хъазт «Брэйн-ринг»-ы финал

20-æм чемпионаты финал «Брэйн-ринг»-æй ацыд Дзæуджыхъæуы. Архайдтой дзы кармæ гæсгæ: æрыгæттæ, скъоладзаутæ æмæ хистæртæ. Ӕрыгæтты командæйы минæвæрттæ – уæлдæр ахуыргæнæндæтты студенттæ. Хистæр кары архайджыты ’хсæн та – æхсæнадон иугæндты кусджытæ. Республикæйы æвзæр эпидемиологон уавæр кæй сæвзæрд, уый тыххæй хъæзтытæ цалдæр мæйы цыдысты онлайн хуызы. Фæлæ «Брэйн-ринг»-ы аразæджытæ – фæсивæды хъуыддæгты фæдыл комитет æмæ интеллектуалон клуб «Альбус» архайдтой, цæмæй хъæзтытæ ма æрлæууой. Æвзарæн туры бацархайдтой æппæт республикæйæ 100 командæйæ фылдæр. Уыдонæй чемпионатмæ бахаудысты 32 командæйы. Схорзæхджын кодтой, финалмæ чи нæ рахызт, фæлæ хорз зонындзинæдтæ чи равдыста, уыцы командæты минæвæртты дæр. Фæрстытæ уыдыстысты мидисджын, сæ фылдæр бабастой истори, культурæ, физика, хими, политикæ æмæ спортимæ. Уæлахиздзаутæ бацархайдзысты регионты 'хсæн турниры. Интеллектуалон хъæзтыты æппæт архайджытæн раарфæ кодта нæ республикæйы парламенты депутат Уататы Зелим. _________________________ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv